Umydy umyda gabap,
Ynamy ynama sapyp,
Göwnümi göwnüne ýanap,
Maña bir ýürekdeş tapyñ!.

Irmesin ol gussalamdan,
Gursagyma şatlyk guýsun,
Ýoklugymy ölme deñäp,
Barlygymy bagt saýsyn.

Sübselesin gursagymy,
Syrsyn, süpürsin kinämi,
Edep bersin duýgylarma,
Öwrener ýaly söýmäni.

Ýalandygny bilýän ahyr,
Ýamanlygy çenemesin,
Arzuwmy maña meñzedip,
Hyýalyma deñemesin...

Ýetim galan ruhymy,
Gurşasyn hossarym bolup,
Ejiz däl, ejizlän göwnümi,
Seýiklesin ýarym bolup.

Maña bir ýürekdeş tapyñ!,
Bolmasa durmuş bimany,
Göwnümi göwnüne ýanap,
Öwretsin maña söýmäni...

Awtory: Baýram Bejidow