Al-elwan güllere çümüp-beslenip,
Dolup-daşyp,ýaz gelipdir Diýara.
Guşlar saýrar bir enaýy seslenip,
Aýdym-mukam, saz gelipdir Diýara.

Baglar begresini egnine atyp,
Bagbanlañ işleri özüne ýetik,
Derýalar joş urup,saçýar ak köpük,
Ördek,guba gaz gelipdir Diýara.

Işlerimiz rowaç - barýarys öñe,
Şygarymyz şeýle: ýeñmeli diñe,
Bagtyýarlyk atly aýdyma heñe
Sesin goşup,ýaz gelipdir Diýara.

Görk alyp müñ dürli al- elwan gülden,
Joşgunymyz silden,badymyz ýelden,
Her bir müşgül işler gelip dur elden,
Umytlarymyz tiz gelip dur Diýara.

Joşgun Öräýew