Güýzüñ bir günündäki goşgy
Ýaz duýgulañ ýakymyny unudyp
Çekme ýüregiñe güýzüñ suratyn,
Köñlüñdäki setirleri sowadyp,
Çekme ýüregiñe güýzüñ suratyn.
Gök otlaryñ ýüzi gaýdan mahaly
Giden baglyk durka altyn şahaly
Bolsada ol günler gymmatbahaly
Çekme ýüregiñe güýzüñ suratyn.
Tozgalañ çar ýana uçuşyn görip
Durnalaryñ hatar göçüşin görüp
Aý günleñ beýle çalt geçişin görüp
Çekme ýüregiñe güýzüñ suratyn.
Ýüzüñi galdyryp çykma asmana
Howlukma göwniñi dözme ahwala
Süýji ýatlamaña aýak basmaga
Çekme ýüregiñe güýzüñ suratyn.
Hyýallar hakykat bolsada bir gün
Güýzüñ sary güli bolarmy gülgün?!
Sary gül aýralyk muny öñ bildim
Çekme ýüregiñe güýzüñ suratyn.
Maýa Orazgulyýewa