Ýetmezim köp, ýetjegim köp,
Galsa:m gyra itjegim köp,
Täleý ýa:ma, durmuşym sep,
Alla şükür, Alla şükür!.

Derkarym däl, baý bolmagym,
Ýeter, gussa jaý bolmagym,
Özüm özüme goldawym,
Alla şükür, Alla şükür!.

Pikir ummanyna çümüp,
Barýan geljek sary eñip,
Aýñaldym göwnümi ýeñip,
Alla şükür, Alla şükür!.

Miwesi dälsiñ kerkawyñ,
Kalbyñy ýuwmaz kir sabyn,
Ýeke şaýadym: imanym,
Alla şükür, Alla şükür!.

Diýenmiş köneler ozal,
,, Ýortan ozar, ýatan tozar",
Owaly ýazgydym ýazan,
Alla şükür, Alla şükür!.

Biçdim bagtyma kesatym¹,
Şeýdip umydy ýasadym
Gursak dönmese kapasa,
Alla şükür, Alla şükür!.

Mañlaýyma sylyp emrin,
Añladym, añtadym termin²,
Şeýdip şu günler-ä geldim,
Alla şükür, Alla şükür!.

Germemäñ ýolumy dokap,
Durmuşum şonsuzam tukat,
³Göwnüme gerek däl zekat,
Alla şükür, Alla şükür!.

Awtory: Baýram Bejidow

¹ke‧sa‧tym:
Dokmaçylyk Nah gatyşykly gyzyl mata.

²ter‧min
Ylymda, tehnikada belli bir düşünjäniň adyny aňladýan söz, adalga.

³ göwnüme derek salgyt gerek däl