Söýgimiz ýaz bolup dursa,
Çemen girer aramyza.
Soñra galyñ, mata-marlyk,
Tümen girer aramyza.

Ýürek awlap ogry ýaly,
Bu işimiz dogry ýaly...
Ýitirmesek dogry ýoly,
Kerem girer aramyza.

Geldik ençe menzil söküp,
Gepe gitseñ birje köpük,
Aýralyk derdini çekip
Gelen girer aramyza.

Nädip özümize dözýäs?
Boş sözden döreýär gözýaş,
Diýmän juwan, gelin-gyz , ýaş -
ýeleñ girer aramyza.

Niçik bolar?
Yzymyzmy?!
Sen Hak ýalkan gyzy misli,
Perzent atly ysy misli
Erem girer aramyza.

Kän bor bizi aýra saljak,
Ýeñiñ çyzgap, bolgun galjañ,
"Men bilen sen" diýip ýazsam,
"Bilen" girer aramyza.

Baky AMANÝAZOW.