Kalby päk ejem jan men seni söýýän,
Ah saña döneýin mähriban käbäm.
Ynjasam dertlerim ýürekden duýýañ,
Men ýanyñda çagadyryn entegem.

Ýyllar mañlaýyña salmasyn gasyn,
Nur dökülýän ýüzüñ ýylgyryp dursun.
Eger wagt garratsa geçmesin basym,
Saña geljek bela goý maña ursun.

Aýaklaryñ aşagynda jennetim,
Hak ýaradan uzyn etsin ömrüñi.
Asla ölçäp bolmaz seniñ gymmatyñ,
Ündewleñ saýgartdy ýalñyş dogryny.

Diñe sen mynasyp hakyky söýgä,
Açyk-aýdyñ göz ýetirdim men muña.
Ýanymda sen mydama çümsem gaýga,
Ynanamok ýalançy dostlaryma.

Sen hakyñda ýazdym ýazaryn ýene,
Pikir etsem sensiz ýaşaýyş agyr.
Meni şu günlere ýetiren ene,
Kalpdaky sözlerden döretdim şygyr.

Akmedowa Dursun