Öz adyňy Marsa ugrat🚀
Amerikan kosmos agentligi NASA isleg bildirýänleriň ählisi öz atlaryny Marsa iberip bilmegi üçin web sahypasyny açypdyr. https://mars.nasa.gov saýtyna girip, 23 milliona golaý adamlar bilen bir hatarda öz adyňyzy Marsa ugratmak mümkinçiliginden peýdalanyp bilersiňiz. 2026-njy ýylyň iýul aýyna meýilleşdirilýän indiki ekspedisiýa "goşulmak" üçin ulanyjy diňe şahsy maglumatlaryny, ýagny, adyny we familiýasyny, ýaşaýan ýurduny, e-poçta we poçta koduny bermeli.

Maglumatlar Gyzyl Planeta gitjek USB fleş diskinde saklanar. Anketany doldurandan soň, her bir ulanyjy gidýän ýerini (Keýp Kanaweral, Florida) we gelýän ýeri (Jezero Crater) görkezýän "bilet" alýar. NASA mundan öň hem şuňa meňzeş synag geçiripdi - “Perseverance” marsohodyna diňe bir ylmy gurallar goýulman, eýsem, Ýeriň ýaşaýjylarynyň 11 million sanysynyň ady bolan fleş diskler hem ýerleşdirilipdi.