Tomusky dynç alyş,
Hemem dynç güni,
Şol bolupdy aýrylyşan senämiz.
Aýra derýaň suwun içdik diýmeseň,
Gör-ä, ykbal babatynda deň-ä biz.

Senem şygyr ýazýaň,
Meňem küýüm şol.
Ýöne bir galamy tutup görmedik.
Öňem bir şahyryň diýişi ýaly,
Seň saçyňy güller goşup örmedim.

Pikirlermiz çapraz gelip barmazdy,
Sen şadyýan, men ýygrarak biridim.
Şygyrýet seň möhürlenen ýoluňdy,
Men poeziýa geljegimi diredim.

Soň birhili öwrülişik boldy-da,
Ýa-ha sen bir ykbalmyzdan çekindiň.
Ýa özüňe, bolman maňa gynanyp,
Müň deliller,
Bahanalar tapyndyň.

Ykbal ýazan däldir, ýogsam bolmasa,
Çykalgalar bardy, çözgüdem bardy.
Bizi birleşdiren poeziýada,
Bile gitsegem-ä bordy…


Gurbanmyrat Saryýew