Täze Zelandiýanyň raýaty Lourens Gregori Uotkins dünýäde iň köp ada eýe bolan adam hökmünde Ginnesiň rekordlar kitabyna girizildi. Bu barada ,,Free Press Journal" neşiri habar berdi.

Erkek kişi 1990-njy ýylda ýurduň Ýustisiýa ministrligine ýüz tutup, täze atlaryny resmi taýdan bellige aldyrypdyr. Şondan soň, onuň ady 2300 sany atdan we bir familiýadan ybarat bolupdyr.

Uotkins öz adyny tutmaklary üçin bu uzyn sanawdan maşgalasyna golaý bolan käbir atlary saýlandygyny gürrüň berýär. Ol bir tarapdan özüniň uzyn adyň eýesidigine buýsanýandygyny aýdýar.

Onuň saýtynda atlarynyň ählisi beýan edilipdir, olaryň arasynda Gannibal, Şerri, Napoleon, Narsis we Şerlok diýen atlar hem bar.