Uzaklardan gözläp özüme syrdaş,
Ahyr golaýymdan tapypdym seni.
Özgäni özüme has ýakyn saýyp,
Hasratyñ kölüne atypdym seni.

Soñsuz sowallara jogap agtaryp,
Bigam ýürek bolupdy-la keselli.
Dost yzasyn çekýän takatsyz göwne,
Wepañ bilen sen bolupdyñ teselli.

Şol günden soñ bildim çynyñ uzakda,
Ýalanlaryñ juda ýakyndygyny.
Hemem şygry söýýän näzik ýürege,
Seniñ hemmelerden ýakyndygyñy.

Ana,ol günden soñ gaýgy-gussany,
Şatlykdyr gülkinem paýlaşdyk bile.
Meniñ-ä ýüregim sen diýip urdy,
Seniñem ýüregiñ men diýdi diñe...

Hemmeler uklardy,ýöne ikimiz,
Söýerdik gijäniñ gara nikabyn.
Sepläp synyk göwnüñ böleklerini,
Sen iñ ýakyn dostum bolduñ-kitabym!