Enäniň süýt haky diýip ýazýalar
Ak kagyz ýüzüne giden halady
Enäň ak süýdüne deňäp bolýamy
Altyn, kümüş tükeniksiz manady

Altyn ýazyň, kümüş ýazyň, mal ýazyň
Ýöne ony süýt hakyna deňemäň
Enäniň süýdüniň bahasy ýokdur
Süýt hak diýip dünýe malyn soramaň

Mal-mülkli bolmasyn bagytly bolsun
Çagalara ilki şony diläliň
Diläp alyp bolmaz rysgy döwleti
Enäň süýdin bolsa käbä deňäliň