Kaka
(Ýunus dostum üçin)
Kaka, tapylmajak mukaddeslikdir,
Mydam , barlygyndan bagt taparsyň.
Kakaň ýaşaýarka dünýäň ýüzünde ,
Deňizlere sygman , dagdan akarsyň.

Kaka ,ýaşaýyşdyr ,alýan demiňdir,
Şonsuz , bir günem dem alyp bolmaz.
Gursagyňda ,poslap ýatan derdiňi,
Kakaňdan başgasy , gözden bitmez .

Kaka diýmek , ol ikinji janyňdyr ,
Ýeke söziň üçin, berer janyny .
Eger-de kakaňy ,ýitiren bolsaň,
Şol gün ýitirensiň , bir çep ýanyňy.

Kaka, hut özüdir mizemez dagyň ,
Kaka diýmek, gorkusyz bir ýürekdir .
Ýerden galmak üçin , ýykylan çagyň ,
Ýene , ol mukaddes kakaň gerekdir .

Awtory : Kuwwat Ýazmämmedow şahyr