Ýürekler öwsüner sergin şemala,
Sergin şemal bilen keýpiñ sazlaşar,
Ol şemalam öwrüläýse tupana,
Oña maýyl bolan kalbyñ azaşar.

Söýen ýaryñ bilen bagtly bolsañ,
Öñde, soñda çekjek derdiñ paýlaşar,
Haram keýpe oý pikiriñ baglasañ,
Oña maýyl bolan kalbyñ azaşar.

Almazam kiçidir daşdan garasañ,
Güne çyksa gören gözler gamaşar,
Pul yzynda ýüregiñi daglasañ,
Şeýtana gul bolan kalbyñ azaşar.

Awtory: Ýakup Allabaýew