Iliñkiden üýtgeşik däl durmuşym,
Ýazgydymam sadalykdan ýazylan.
Esasy zat şolañ şonlugna şükür,
Ikimiz bir ýolda, dogry çyzylan.

Bolmasa-bolmasyn, her gün mähremlik,
Günleñ gelşin kabul edýäs biz bile.
Esasy zat gözlermiz aýry däl,
Gözler doýsa söýgi geçermiş dile.

Dile geçýän söýgi ýalandanmyşyn.
Gulagam ýalana gulak asarmyş.
Şonda kalpda ejiz galyp ysnyşyk,
Aýralanyp eginlerni gysarmyş.

Sözleñ şalygna salyp berseñ bes,
Ýüregiñde ýaşamagma rugsadyñ.
Gül gerek däl, ýa suratly almalar,
Sözleñ ýetik gutlamaly pursadyñ.


Laçyn Öwezowa