Kakamyň bagry diliner...

Ejiz başym gama batsa,
Şamar saçym çaňa batsa,
Şu habar gulagna ýetse,
Ne dag, ne-de ýer elener,
Kakamyň bagry diliner!

Aýdyp ýörmesede daşdan,
Aladamyz gara başda,
Kakalaryň bolşy başga,
Ol diňe duýup biliner,
Kakamyň bagry diliner!

Edip kaddy berse-de ýaý,
Zähmetsiz gün däl göwne jaý,
Bolsa garyp göwnüm paý-paý,
Ne aglanar, ne gülüner,
Kakamyň bagry diliner!

Mert bolsa-da bardyr göwni,
Perzentlerine gurban ömri,
Buşluk üçin çeken şöwri,
Ýerne salynmaz, salynar,
Kakamyň bagry diliner!

Naçar başymyň derdini,
Aýdyp bilmesem bergili,
Garrapdyr kakam görgüli,
Diýsem umydym üzüler,
Kakamyň bagry diliner!

27.02.2022 ýyl
23:39...♡

Gülşirin Hanowa...♡