Owal ahyr bütin ömür,
Diñip bilsem armanym ýok,
Ah owarram çekip jebir,
Ýeñip bilsem armanym ýok.

Telbe deý gumda agynap,
El urman özge bagyna,
Ýagşy bolup, il añyna,
Siñip bilsem armanym ýok.

Içinde galsam myşlaryñ,
Berk gysyp bekän dişlerim,
Gaýtalajak ýalñyşlarym,
Kemip bilsem armanym ýok.

Biwepadyr dünýe ýalan,
Aglan galmaz, galmaz gülen,
Bu panydan iman bilen,
Gidip bilsem armanym ýok.

Awtory: Baýram Bejidow