Berdinazar HUDAYNAZAROW

Ene gosgusy
Mahmal sähram sen bolup.
Bahar maña bakanda,
Howlukmadym hiç zada,
Sen bar diýip jahanda.
Yrsaradym, näz etdim,
Betdim, nähili betdim
Hernä kejiñe gitdim,
Sen bar diyip jahanda.
Näme diýseñ tapylýar,
Näme etsem hakym bar.
Boldum saña hökümdar,
Sen bar diýip jahanda.
Ona yetsemem çaga,
Ondan otsemem çaga.
Wagtym ýok ulalmaga,
Sen bar diýip jahanda.
Ellä ýetmän eje jan,
Gözüñ ýumlan mahalda,
Ozüm aldap kän gezdim,
Sen bar diyip jahanda.
Yogsam boýun alypdym,
Hemme zady bilipdim.
A men dünýä gelipdim,
Sen bar diyip jahanda