Kadyr Allam! Goragyňa mätäç men,
Owal süyji-süyji gepländen gora,
Ýalňyşsaň harama iterjek bolup,
Ýalbaryp dyzyňa çökyänden gora!

Azdyrmawer sähel ýakam galynsa,
Pes etmäwer, içde sabrym kemilse,
Il derdine aglap, gülse gülünse,
Namysy, dostlugy satýandan gora!

Ygtyyar bermäwer azan ynsana,
Girsem kämil bolup gireýin saňa,
Söyýärkäm kükrekden jan goşup jana,
Soňunda döşünden itýänden gora!

Jan-saglyk berewer ilin deňinde,
Azaşmazym ýaly durmuş çaňynda,
Ejizlese göwnüm merdiň öňünde,
Gybaty töhmetden etýänden gora!

Gara zähmet bilen Halala dyzap,
Gitmesin gollarym harama uzap,
Çekmeli bolsamda günäme azap,
Ynsabyn ýuwudan betpälden gora!


Awtory: Baýram Bejidow