Döwül göwnüm! Döwülenñe deger-le,
Özgeleriñ şat bolmagy ýeterlik,
Üns berme boş geplere, gybata,
Sogap gazan iman bilen öterlik.

Agla kalbym! Aglanyña deger-le,
Ýazylan täleýiñ üýtgetmez teññe,
Kiçilikden göz ýetiren bir zadym,
,,Aglamadyk çaga berilmez emme".

Köý ýüregim! Köýeniñe deger-le,
Ýykylyp täzeden galmagym hiç däl,
O dünýäde jaýym Dowzah bolmasa,
Bu dünýäñ oduna ýananym hiç-le...

Awtory:Baýram Bejidow