Şol beripdi Baş söýginiň mähnetin...
Nirelere alyp gitdi kysmatyň?
Aglaýan bolsaň-da, gülýän bolsaň-da,
Bir ýerlerden ses gelerdi ahbetin!

Megerem bagtlysyň. Oňýansyň mensiz.
Men weli ölýänçäm dem alman sensiz.
Kyrk müň setir goşgy döreden bolsam -
Her harpyň içinde Sensiň, Sensiň, Sensiň...

Ömrüň menzillerden menzile ýetsin.
Men senden öňürti süýneýin sessiz.
Gara habar güni
gara gözüňden
Bir gara ýaş damsa, şol maňa besdir.

Rubagym söýgiden başlandy şeýdip.
Indi munuň yzy giderkä nädip?
Dünýäde söýgi kän, haýyr kän, şer kän,
Haram kän, halal kän... Gidiber gädip.

Kerim Gurbannepesow