Ýöräniňde bozman ýeriň gaýmagyn...
Aýdymdan
*****

Ýöräniňde bozman ýeriň gaýmagyn,
Leýlisaç tarlarňy ýeller galgaýar.
Meni gören gözlerdäki kirpikler,
Boz jeren deý iki ýana ylgaýar.

Daş-töwerek gohun asla eşdeňok,
Dünýäde ikimiz galana meňzeş.
Ertekini ýada salýar bolşumyz
Sen şagyza,
A men şalara meňzeş.

Aýrylasy gelenok göreçleriň,
Razy bir ömürlik bakmaklyga-da
Akyl-huş zym-zyýat, emma seň bilen
Meňzese meňzesin akmaklyga-da

Ähli zada taýýar däli göwünler,
Iki metr galanda özün saklady.
Hyýalda bireýýam gujaklaşdyk biz,
Hakykatda haýa ýolun bekledi.


Ylham GURBANALYÝEW