Ýaşmak

Uz ýaşynsa gelinleriň
Görküne görk beren ýaşmak
Meniň kimin gaýynlaryň
Goragynda duran ýaşmak

Toý toýladym gelin alyp
Gelin geldi ýalyn bolup
Men görgülä rehim kylyp
Özün oda uran ýaşmak

Gaýduwsyz hem ýürekli sen
Oglanlamdan derekli sen
Sen meň üçin gerekli sen
Örän,örän, örän ýaşmak

Doganym sen,dost ýarym sen
Sarsmaz galam diwarym sen
Arkadagym hossarym sen
Meň bagtyma dörän ýaşmak