Seniň söýgiň meni bagta äkidýär,
Hem gursagma mähir guýýar müdimi.
Şeýlebir, şeýlebir joşasym gelýär,
Saňa duşdum, menem bagtly indi.

Başymdaky elwan öýmäň galgaýşy,
Bilseň, saňa çakylykdyr, ezizim!
Meni bagtyň gujagyna doldurýar,
Joşgunly baharym, söýgüli güýzüm.

Ak daňlar atanda Kuýaşyň dogşy,
Nurlandyrýar bagta barýan ak ýoly.
Iki bolup bir menzili külterläp,
Söýgi bilen bezäp barýas ykbaly.