Seniň ýüzüň lowurdaýar Gün ýaly,
Gaşlarňy hiç zada bilemok deňäp.
Seniň gara saçyň misli tüm ýaly,
Dişlerňi hiç zada bilemok deňäp.

Muhabbetli kalbym gussadan doly,
Joşýar, howalanýar derýalar ýaly.
Ýürek sag bolsa-da, Köňüller doly,
Ýaşlygy hiç zada bilemok deňäp.

Örän dürli bolýar ykbal hem ömür,
Altynmy, kümüşmi, polatmy, demir.
Bu nähili jeza, Bu neneň jebir,
Döşlerňi hiç zada bilemok deňäp.

Halyl Kulyýew