Pikirlere çümüp uzak gijeler,
Soňky döwür kän synlaýaň asmany.
Bir zatlary aňýan ýaly ejeňem,
Diýýär saňa: "seň ýüregiň gysýamy?".

Gözüňden, ýüregňi okarlar öýdüp,
Galypdyr ýüzlere bakyp geplemäň.
Hiç kime bileňok aýdyp içiňi,
Joraň ýanyndanam gaýtdyň geplemän.

Bu niçik ahwalat, şatlykmy, gaýgy,
Asla düşüneňok nämäň keseli.
Ilkinji söýgi bu - düşnüksiz duýgy,
Başyňa düşüpdir yşgyň heseri.


Şanazar Hydyrow