Ynanmak islärdim ähli gowlyga,
Ýel össe tozana bähbit saýardym,
Köpler ynam hakda gümän döretse,
Oña öz ýanymdan şatlyk çaýardym.

Ýylgyrsam begenen, ejeme meñzäp,
Bagtyma bir peri duşar öýderdim,
Göwnüni çigit deý göwnüme deñläp,
Hyýallam depämden aşar öýderdim.

Ynanmak islärdim aglasa biri,
Içini içine sygdyryp bilmän,
Gowy bolmak üçin gowylaşjakdym,
Maña ynanylan ynamy çilmän.

Arzuwym, söýmekdi mynasyp birin,
Ugrynda janserek, köýmekçidim men,
Emma ,,söýgi" diýip berdiler esgi,
Ýalany ýaşyran köýnekçesinden.

Awtory: Baýram Bejidow