Ýoklugym barlygña sebäp,
Bahana kän şatlanara,
Bir gün saña ajy bolar,
Menli, süýji ýatlamalar.

Durmuş ýene dowam eder,
Gün ýitmez, inmez asmanam,
Ýöne şeýle bir gün gelip,
Ýer galmaz aýak basmana.

Gutarar dünýäñ gyzygy,
Ýyly bermez gyzgyn mähir,
Belki bolmaryn dünýäñde,
Doganynda şeýle säher.

Gitsem, dolamaz hiç bir zat,
Öwezim dolsa-da özge,
Ömrümi kerten kinelem,
Saklar, senli günden üzge.

Galgadyp gussañ harpygyn,
Dymaryn, giderin nemsiz,
Zyñyp duýgylañ artygyn,
Ýaşap başararyn sensiz...

Awtory: Baýram Bejidow