Bir süýjüjik bermek üçin eliňe,
Daň säherler işe yöräpdir kakaň.
Boýuň ýeten bolsa bu gün deňine,
Kemsiz ýetişmegňe sebäpdir kakaň.

Bolanjasyn saňa berer sowalga.
Tapdyraýmaz ondan güýçli söýelge.
Çagyranda, namaza kimin ylga,
Behişte äkitjek sogapdyr kakaň.

Barlygynda mydam goragly daşyň,
Götermersiň ömrüň gussadan goşun,
Düşnüksiz bu dünýä aýlamaz başyň,
Ähli sowallarňa jogapdyr kakaň.

Ezizleriň saýa salyp depäňe,
Janlary sag bolsa armanyň näme.
Mährem Ene - deňelýän bolsa Käbä,
Baş egiljek Kybla, togapdyr kakaň.

Şanazar Hydyrow