Bagt näme?

-Oglanjyk, sen heý bir wagt bagtly bolup gördüňmi?
Iki sany hersi dokuz ýaşly bolan ýaşyl gözler haýalladylan kadrdaky ýaly az-azdan ulaldy...
-Men bilemok..
Ol şeýle bir assa jogap berdi welin täzeden soradym.
- Men çagalar bilen beýle zatlar barada gürrüň edilenokdyr öýdüpdim..
-Onda çagalar bilen näme hakynda gürleşmeli?
-Bahalaryň barada, özüňi alyp barşyň barada..
-Düşnükli. Ýöne her niçigem bolsa synanyşyp göreli... Bagt hakynda näme diýersiň?..
Oglanjyk köp wagt dymdy we ýene-de assajykdan jogap berdi:
-Bir gezek enem geldi we maňa alma getirdi. Men oňa matematikadan 3 alandygym üçin belki-de maňa alma iýmek bolmaýandygyny aýtdym... Haçan-da erbet okanymda maňa süýji we miwe berenoklar.. Enem bolsa meni gujaklap güldi we almany meni söýýändigi üçin berenini, bahalaryň bolsa her dürli bolup biljekdigini aýtdy.. Almalar örän süýjidi. We men ilkinji gezek alma iýenimde tolgunmadym. Men şol pursat bagtlydym diýip bilerinmi?..
Men dymdym, sebäbi şol pursatda maňa gürlemek kyn düşdi... Emma bagtyň siziň bilen diňe bahalar we gowy gylyk-häsiýetler hakynda gürleşilmedik wagtydygyny anyk bilýärin ...
Bagt seni gujaklanlarynda...
Şertsiz söýginiň iň bolmanda ýekeje çeşmesi bolanda ...
Alma tagamly bolanda ...

Lily Grad