Ýykylanymda ruhdan düşme diýip galdyrdyňyz
Eýjejik ýüregimi bagtdan şatlykdan doldyrdyňyz
Gamlanan wagtym göwünim göterip güldirdiňiz
Maňa azar bermeýän tikensiz gülüm siz ejem

Janyňyz sag bolsa bu ýüregim urýandyr batly
Edýän naharlaryňyz hat-da baldanda datly
Eje durmuşyňyz hem bolsun mydama datly
Mähir bilen seredýän mähribanym siz ejem

Kesel bolsak Alladan saglygymyz soraýaňyz
Gujagyňyza salyp bizi howplardan goraýaňyz
Diňe biziň barlygymyza guwanyp ýöreýäňiz
Pasyllaryň içinde iň owadan ýazym siz ejem