Gowluga iterip niýeti, päli,
Bakdym, dünýäñ ýüzi oñatlyk eken,
Bagtymyñ nobaty ýetenok häli,
Ý:az diýen günlerim doñaklyk eken.

Duýgylarym meñzeş, pikirler ala,
Ertir duşman bolýar syryñ bereniñ,
Herne umyt bilen ýetdik bu hal-a,
Keramtyn diläp hakly Keremiñ.

Bolmadygna ,,ýazgyt" diýdiler, ýöne,
Ýazgydymy nesibäme çatdylar,
Täzeçil döwürde dessury köne,
Meni oda däl-de yşga ýakdylar.

Bahana diýildi ähli sebäbe,
Kalbyma gussalar bolupdyr hekem,
Bir dellal tapmadym elek eläre,
Bakdym dünýäñ ýüzi oñatlyk eken...

Awtory: Baýram Bejidow