Şükür! Nebsim idip eñjek bolamok,
Herne hak ýoluna uýjagym bolsun!,
Hemişe ýaz ýaly bolup bolanok,
Kinäni gülkimden duýjagym bolsun!.

Emelsiz pikirlem ýüregmi gyssap,
Amalsyz arzuwlam umydym bassa,
Mümkin däl ýalñyşman ýaşamak asla,
Gursagma hak sözi guýjagym bolsun!.

Gowuşsyn ruhyma ruhdaş delil,
Bagtyñ perlerine uzanda elim,
Enäniñ ornuny tutjak ýok welin,
Güneş deý mährine çoýjagym bolsun!.

Bu durmuşda biraz gözüm eglendi
Aran göwün söýgi bilen terlendi,
Nesip edip ak bäbebigi, perzendi,
Ömrüme nuryny çaýjagym bolsun!.

Ykbalym derýa däl, bilmerin ýüzüp,
Täleýim elek däl, bilmerin süzüp,
Şonda-da uç tapyp, janyma dözüp,
Ölünçäm ýadaman söýjegim bolsun!...

Awtory: Baýram Bejidow