Hakykat ajy diýp, gulagňy ýapýaň
Şonda-da men saňa aýdaýyn rastym
Süýji ýalanlara özüň aldyryp,
Manysyz ýaşap, irmediňmi, dostum?!

Üstünlige ýetse, aňsatdyr diýdiň,
Üstüni gördüň-de, görmediň astyn
Oturan ýeriňde "bolsady ekip",
Manysyz ýaşap, irmediňmi, dostum?!

Durmuş çala ursa möňňürip ýörsiň,
Özüňden asla-ha gözläňok köstin
Göreşen soňunda ýeňýär, ahyry!
Manysyz ýaşap, irmediňmi, dostum?!

Görmediňmi hemmä gerekdigini,
Güneş bulutlardan çykanda üstün
Sen bolsa şo-ol özüň üçin gezip,
Manysyz ýaşap, irmediňmi, dostum?!

Meniňkä bir aýtmak, özüň bilýänsiň...
Ýöneje aýdaýdym ýüregmiň tostyn
Şulardan soňra-da hereket etmän,
Manysyz ýaşap, irmezmiň, dostum?!


Ylham GURBANALYÝEW