Ykbalymmy sen.


Alnymda aý bolup dogan eý gözel,
Ýaşaýşym, durmuşym, ykbalymmy sen.
Ýüregimi weýran eden dünýäde,
Şatlygym hasratym, ahwalymmy sen.

Ýitirdim keşbiňi, gözledim garda,
Akja guşa dönüp uçduňmy ýa-da,
Ýada uzap ýatan aýsyz sährada,
Menzili görkezjek ak ýolummy sen.

Alyslara gitdim, bilmedim gitmän,
Gözledim derdime em etjek lukman,
Aýly gijelerde gözümi gyrpman,
Ýazan goşgularym, yhlasymmy sen.

Söýgiň gämisini suwa gark edip,
Gitdiň meniň durmuşymy terk edip,
Erkin alýan demim indi sanadyp,
Soňky duralgammy, ajalymmy sen.

Osman Aşyrow.