arşy alyp saçakda Täze ýyly
Her kim arzuw etýär uludan uly

Saýlamanjyk garry, ýaş, kiçi, uly
Menem arzuwlaýan şu arzuwlary

Her bir öýe sepelesin bagt gary,
Asudalyk sazyn çalsyn Ýer şary

Sähel zada oýarman iç gahary,
Kalplara ekilsin "söýgi" nahaly

Galman aýralygyň ahy-zaryna,
Aşyklar gowuşsyn söýen ýaryna

Göwünler çümmesin gussaň laýyna,
Deňlik bolubersin garyp-baýyna

Bilimden has paýly bolsun ýaşlaram
Myhman üçin çytylmasyn gaşlaram

Şatlykdan artsyn gülkileň jak-jagy,
Halaldanam dolduralyň gapjygy

Umytly ojaklaň bolup dowamaty,
Azalsyn ynsanlaryň agaç aty

Bagt paýy paýlanabersin hemmä düz
Saglyk bilen gatnaşalyň hemmämiz


Ylham GURBANALYÝEW
***
Hemmäňiziň Täze ýylyňyz gutly bolsun. Rysgally, bereketli, saglykly ýyl bolsun! Arzuwlarňyzyň hasyl boljak ýyly bolsun!