Ýüregime düşünmediň,
Kesdiň gitdiň kese-kese.
Günämidi ýürek pahyr
Boluşyňa düşünmese?!

Sözleriňe yşkdyr öýtdi,
Yşkdyr öýtdi gülüşiňe.
Seň adyňy ýazypdy ol
Özüniň her ülüşine.

Urmasyny tizlendirdi
Bir zatjyklar ýazan çagyň.
Eräp gitdi, akyp gitdi
Düýşlerimde gezen çagyň.

Kalbyňda gam görünende
Ynjady ol, agrady ol.
Iň soňkuja umydyny,
Höwesini puç edeňde
Aglady ol.
Ýalyn bolup,
Alaw bolup çabrady ol...

Sapa HOMMADOW.