Bir gün gelip, gyzyklansañ men hakda,
Hasratlarda goýanyñy bilginiñ!.
Sensizlikde gursagyma dem tapman,
Bu dünýeden doýanymy bilginiñ!.

Irizipdir ykbalymyñ şertleri,
Bolýamy nä?, Ejizläñde mert gezip,
Ýaş kalbyma tükeniksiz dert berip,
Diriligme soýanyñy bilginiñ!.

Tanap bilen tal-a dañyp tama-na,
Aramyzda ýer goýmadyk salam-a,
Küle dönen kagyz ýaly hamala,
Yşkym bilen köýenimi bilginiñ!.

Bolsa-da bu sözi diýmegim aýyp,
Seniñ üçin bagrym dilmelem haýyp,
Ah! şonda-da ornuñy oýup goýup,
Çyn ýürekden söýenimi bilginiñ!.

Awtory: Baýram Bejidow