Mähriň ber

Ýüregim ýenede seni soraýar,
Näme diýip aldajagymy bilemok,
Dillerim titredýän mylaýym keşbiň,
Näme üçindir göz öňümden gidenok.

Sataşamdan bäri şol ajap sene,
Çykanok ýadymdan gelmezmi ýene,
Garaşyp dur, bärde zaryň çekýäne,
Mylaýymdan şol ajaýyp mähriň ber

Göýä bir lukman dek degýär janyma,
Owazly näziňden berseň ýaryňa,
Öwürsem men seni din-imanyma,
Owadandan şol ajaýyp mähriň ber.

Asmanda guş bolsaň ýelegiň bolaryn,
Yşk doly gämiňde küregiň bolaryn,
Seni baky ýaşatjak ýüregiň bolaryn,
Mylaýymja,gel, ajaýyp mähriň ber.