Ulalypsyň gyzymjan,
Ulalypsyň keýjegim.
Indi özüň tikip ber
Jigiňjanyň geýjegin.

Işli bolsun elleriň,
Çek nepis keşde, gyzym,
Bukjaň alyp dalbara,
Kölegä geçde, gyzym.

Gaýma gaýa ýaltanma,
Her sanjymyň sünnäle.
Bolsun gyzym, her gaýma
Bahar açylan läle.

Ilki tiken tahýaňy
Okla çapgyn ýele sen.
Eliň ýel deý ýeňil bor,
Hemde ýel deý çalasyn.

Ikinji tiken işiň,
Ýanyp duran oda zyň.
Soň ot ýaly bolarsyň,
Bolmaz işiňde kemiň.

Eltip akdyr derýada
Soňky gaýan gaýmaňy.
Onsoň seniň keşdeleň
Durlanar derýa ýaly.

Soňky gaýan gaýmalaň,
Gaýalsada her halda,
Otda ýanmaz, suwda synmaz,
Solmaz asla şemalda.