On sekiz ýaşym.

Ýüregiñ bõküp dur dünýä sygañok,
Sähel zada gülen on sekiz ýaşym
Uly dünýä bir garaýša degenok
Wah õzgesi ýalan on sekiz ýaşym.

Duýmandyryn neneñ niçik geçeniñ
Toýlarda tans oýnap serden geçenim
Şool gõzeliñ gõzlerine gaçanym
Girdaba gark bolan on sekiz ýaşym.

Çolaşasyñ geldi dilber näzine
Sataşasyñ geldi sõýen gyzyña
Biýygtyýar düšdüñ gitdiñ yzyna
Ýatlamadan gelen on sekiz ýaşym.


Gõz astyndan ogryn-ogryn bakmalar,
Wada berýär wagty bilen çykmaýar
Agşam aý yşgyna şõwür çekmeler
Bar wagtymy alan on sekiz ýaşym.

Ähli ahmyr armanlarmy alardym
Indi näme etjegimi bilerdim
Dilänime bitse ýatyp dilärdim
Ýeke gezek dolan on sekiz ýaşym.

Diý diýe şahyr gury hyýal haýyşym
Ýyllar gulagyma çakdy çawuşyn
Indiki ýaşlardan ýalñyz haýyşym
Gadyryny biliñ on sekiz ýaşyñ.


Toýly Õwez