Sözüñ agramyny ölçemez tonna,
Ölçemez güýjini million kilowat.
Söz-ýalañaç pikre, gyrmyzy dondur,
Söz bar- kime şapbat
Söz bar-kime bagt...

Dünýäde iň beýik şypa şolaňky
Şatlygymyzy siňdirýäris şolara.
Dünýäde iň beýik jepa şolaňky,
Hasratymyzy siňdirýäris şolara.

Söz - bu gazap bilen çakan ýyldyrym,
Söz - bu gyz näzidir, dürleň-dürüdir.
Başarmasaň - ol öçügsi ýyldyzyň
Başarsaňam - lowlap duran günüňdir....