Bibiniň
Köleriň sonasy bagyň bilbili,
Kirpiği tır,gaşy ýaýdyr Bibiniň.
Kaddy zyba ýüzi nurdan dökülen,
Görseň jemalyny Aýdar Bibiniň.
Myhman gelse elli ýüz diýip basylmaz,
Göwresi darygyp koňli gysylmaz,
Suprasy ýazylgy yza kesilmez,
Ezelden ykbaly baýdyr Bibiniň
Perileri peýkeri jennetiň hüýri,
Dünýäde ýagşydan ýagşynyň biri,
Oldur öldürgiji zülpüniň tary
Barsaň otagyna jaýdyr Bibiniň.
Diýer Döwletmammet bardym öýüne
Haýran galdym kamatyna boýuna,
Magtym Şirwan diýerler asly soyuna
Kylgyn işi jaýba jaýdyr Bibiniň
Awtory:Döwletmämmet Balgyzyl