Ketekde gysylşyp otyr towuklar.
Gyş gelenini duýdurýar bu sowuklar.

Dañ säherler gök meýdanlar buglandy,
Baglaryñ, otlaryñ ýüzi çyglandy.

Bir eýýäm ýitirim boldy arylar,
Indi gagyldaşyp garga görüner.

Tizlendi öñküden günleñ geçişi,
Gyş görmedik çaga eder "açyşy"

Üç aýlap görünmez gury köçeler,
"Ýyly geýniñ" diýip tabşyr ejeler.

Bahym garlar ýagar her kim topular,
Pejiñ golayyndan howur tapylar.

Ululara lezzeti artar çaýyñ,
Garly gün dar bolar çagaña jaýyñ.

Görüner gülgüne ýañakly gyzlar,
Bir-birege söýegem eder buzlar!

Dowam etýän çagy gyşyñ günleri,
Ýyly söz ýylatsyn goý göwünleri.

Şanazar Hydyrow