Özümi mydama aldawa salýan,
Tekrarlap ýagdaýmyň oňatlygyny
"Göz üçinem" galyň geýinen bolýan,
Aýyrman dünýämiň doňaklygyny

Sen kem-kemden uzaklaşýaň,
haýaldan,
ünjä berip gursagymyň çar ýanyn
Ýöne ilki arzuwlardan, hyýaldan,
Eräp gitdiň bir gysymlyk gar ýaly

Seret, ýene gar ýagýar-a söwdügim
Ümür bilen kütek gözler garjaýar
Senli doly ýatlamalaň sandygyn,
Güýzde ýagyş, gyşda garlar dörjeýär...


Ylham GURBANALYÝEW
(04.12)