Ýadyňda bolsyn


Uzak gitmez puluň bitiren işi,
Esasy abraýyň adyňda bolsun.
Taňry ýalkap,bagt kaksa gapyňy,
Geçen kyn günleriň ýadyňda bolsun.

Durmuş bermez, sen almasaň geregiňi,
Ýöne,nebsiň kirletmesin ýüregiňi.
Iliň hakyn iýip,alma çöregiňi,
Ynsabyň,wyždanyň ödüňde bolsun.

Bilbil dymar,gargaň sesin kesmeseň,
Gowy günler gelmez,dişiň gysmasaň.
Senem,beýik adam bolmak isleseň,
Üstünligiň her bir ädimde bolsun.

Öz duzagyna,özi düşýändir tilki,
Puluň özi geler,at gazan ilki.
Bu diýenlem,kalba ornaşar belki,
Adamçylyk her bir adamda bolsun

Kuwwat Ýazmuhammedow