Aytsana señ aslyñ nurmy?
Hüýr melekleñ biri ýaly,
Jan algyçdyr jellat gözleñ,
Senli ömür diri ýaly.

Aytsana señ aslyñ gülmi?,
Ter bägüle meñzeýärsiñ.
Bir özüñde gözelligiñ,
Ählijesin jemleýärsiñ.

Ýañaklaryñ enar ýaly,
Kirpigiñ ok, gaşlaryñ ýaý,
Seni görse utanar-la,
Gijelerne ýalkymly aý.

Mähir bilen garanyñda,
Doñ ýürekler ereşip dur,
Seni gören her bir ýigit,
Öz aýagna çolaşyp dur.

Husnuñ enar, boýuñ derek,
Gunça gül deý ýañja düwen,
Seniñ bilen döwran sürjek,
Kimkä beýle bagty çüwen.

Baýram Bejidow