Bagta itip ýalňyz güni
Barybir seni saýlaryn
Ökündirip ýalňyzlygy,
Barybir seni saýlaryn.

Bir üýtgeşik ahwal bilen,
Ýörün arş-u-asman bilen
Uruş edip ykbal bilen,
Barybir seni saýlaryn.

Arzuwlarmy atsalaram,
Umytlarmy ütselerem
Iýse iýsin gussalaram,
Barybir seni saýlaryn.

Meňzäp güýzüň ýapragyna,
Razy yşgyň ýakmagyna
Garylýançam topragyma,
Barybir seni saýlaryn.


Ylham GURBANALYÝEW