Kim kimden üytgeşik, kim kimden artyk?
Aýby yokdur donuň bolsa-da ýyrtyk,
Daşyna müň dürli hiläni serpip
Ýürekde kir saklan yüzler utansyn.
Eklenjin ayby yok iş bolsa halal,
Rysgalyn Hak berse yagşyña yarar.
Edebin, ekramyn saklanda ayal
Betniyetli bakan gözler utansyn.
Der dökesi gelmez mugdy halaýan.
Görüpler bar, her ädimiň sanaýan.
Belentligin eteginde saýalan,
Dag gadryn bilmeýän düzler utansyn.
Gözlän tapar, yürek bilen agtaryp.
Ussa çykmaz şagirt ýatsa ýaltanyp.
Käte Dünýän hilesine aldanyp
Hudaýy unudan "bizler" utansyn.
Amangeldi Nurgeldiýew