Awtomatyñ içgepletmesi
Adamzadyñ bet pälinden döredim,
Döredim olaryñ yigrençlerinden.
Yaratdyñyz meni,
Indi goranyñ!
Dünyäde görkezjek elhençligimden.
Bir okum jemlejek, bir uly ömri,
Yogsa ömür nirde, yeke ok nirde.
Islegim boyunça edyändir öytmäñ,
Yalñyshma!
Yashap gör içime girde...
Aslynda nebsiñiz bar zada sebäp,
Nä zaryñ dünyäni sorajak bolup?
Yogsa ynan, meñ üçinem añsat däl,
Müñi gyryan, birin gorajak bolup...
Meniñem arzuwym päkize bolmak,
Bu yaman ishlere gatylmasadym.
Içmesedi Habyl, Kabylyñ ganyn,
Menem bu dünyäde atylmasadym...
Kerim Hallyyew