Ar alysh
(Degishme)

Señ yzyñda çapa-çapa,
Yedi köwüsh dargap gitdi.
Söygim üçin gurban bolan,
Günler maña gargap gitdi.

Güjügñizden gaça-gaça,
Döretdim ullakan yoda.
Itiñ çeynän balaklarny,
Dikip-yamap etdim moda.

Damagymdam hörek geçmän,
Sekiz kilo horlandym men.
Señ yzyña düshmezden öñ,
Döw dey dayaw oglandym men.

Yalbarmaklyk, yakarmaklyk,
Et, süñküme ornap gitdi.
Toya niyetlenen sygryñ,
Göleleri garrap gitdi.

Toya getirjek bagshymyñ,
Ses, owazy tükenipdir.
Köpler yaly, fonogramma,
Aytmadygna ökünipdir.

Dogan-gardash, "gelne" diyip,
Öyme baryn goyberipdir.
Arman syçanlar sandykda,
Menden öñürt öylenipdir...

Ynha bu gün yetdim saña,
Gurban edip, shunçalary.
Gapymyzda toy-dabara,
Sowgat edip gunçalary.

Dur bakaly,
Synla meni!
Gör söyginiñ yaralaryn.
Bir ömrümi bagysh edip,
Indi senden ar alaryn!

Kerim Hallyyew